આ તો ઉત્તરાણ છે...

ઉત્તર ઈશા એ હવાનો આલ્હાદ છે,

પરિવારજનોનો સાથ છે,

આ તો ઉત્તરાણ છે.

ઊંધિયું પુરીનો જમણવાર છે,

સાથે બોર ને શેરડીનો સાથ છે,

તલ, સીંગ ને મમરાની ચીક્કીનો સ્વાદ અપાર છે,

આ તો ઉત્તરાણ છે.

ઘેશિયો...ચાંદેદાર ..આકાશે સવાર છે,

સાથે ગુલાબી કિન્ના ધારદાર છે,

આ તો ઉત્તરાણ છે.

"કાયપો છે" એવો ચારે કોર અવાજ છે,

રાતે ફટાકડા ને તુક્કલ આકાશનું "અજવાળ" છે,

આ તો ઉત્તરાણ છે.

મિત્રોને ઉમળકા ભર્યો આવકાર છે,

બે દિવસ ધાબે જલસા ભારોભાર છે,

આ તો ઉત્તરાણ છે.

ચાઈનીઝ દોરીની કરો "અવગણના" 

કારણકે પશુ પંખી ને માનવી માટે,

જીવનની કિંમત અપાર છે,

જલસા કરો દોસ્તો,

આતો મનગમતો "તહેવાર" છે

અરે આતો ઉતરાણ છે.