આ માણસ પણ મોસમ જેવો

આ માણસ જો ને કેવો ?

જાણે બદલાતી મોસમ જેવો,

ક્યારેક ઘમંડી સાગર જેવો તો,

ક્યારેક નમ્ર નદી જેવો,

આ માણસ જાણે બદલાતી મોસમ જેવો,

ક્યારેક અડીખમ હિમાલય જેવો તો,

ક્યારેક પવનમાં ઝૂકતી ડાળીઓ જેવો,

આ માણસ પણ બદલાતી મોસમ જેવો,

ક્યારેક રસ્તે રઝળતા પથ્થર જેવો સોંઘો તો,

ક્યારેક માણેક જેવો મોંઘો

આ માણસ પણ બદલાતી મોસમ જેવો,

ક્યારેક ચળકતા કાચ જેવો દંભી તો,

ક્યારેક અસલી હીરા જેવો ઓરીજીનલ,

આ માણસ પણ બદલાતી મોસમ જેવો,

ક્યારેક ફૂલ જેવો કોમળ લાગે તો,

ક્યારેક પથ્થર જેવો અહંકારી લાગે,

આ માણસ પણ બદલાતી મોસમ જેવો,

ક્યારેક તોફાની વાવાઝોડા જેવો અહી તંહી સર્વત્ર વિનાશ કરે,

ક્યારેક સુરીલા સંગીત જેવો મહેફિલની રોનક બને

આ માણસ પણ બદલાતી મોસમ જેવો.