"આ જિંદગી."

કેવી સતાવે છે જોને આ જિંદગી !

નિતનવા ખેલ કરાવે આ જિંદગી.

હૈયે નવા શમણાં જગાવે આ જિંદગી,

તોડી શમણાંઓ, જોને રડાવે આ જિંદગી.

પરિસ્થિતિઓ સામે નતમસ્તકે ઝુકાવે જિંદગી,

ડગલે ને પગલે માનવીને ડરાવે આ જિંદગી.

એક સમસ્યા ઉકેલો ત્યાં બીજી તૈયાર હોય,

અભિમન્યુની જેમ ચક્રવ્યૂહમાં ફસાવે આ જિંદગી.

અસ્ત થવાની અણી પર હોય જ્યાં માનવી,

ત્યાં સૂરજની જેમ ચમકાવે આ જિંદગી.

હારવાની અણી ઉપર હોય ક્યારેક,

ત્યારે સફળતાનો તાજ પહેરાવે આ જિંદગી.

કેવી નટખટ, અલ્લડ, જિદ્દી અવળચંડી છે,

મરવાની અણી પર જીવવા માટે પટાવે આ જિંદગી.