వశమై శాశ్వతమౌతా!

నన్ను అధీనంలోకి తెచ్చుకునేందుకు

మంత్రం వేయాల్సిన అక్కరలేదు,

ఓ ఓర చూపు విసురు చాలు

నేను నీ వాడనయిపోతా......

నన్ను బందించాలంటే బ్రహ్మాస్త్రాన్ని

విడవాల్సిన పనిలేదు,

నీ చీర అంచును నా వేలీకి కట్టు చాలు

నే జీవితఖైదునవుతా.......

నేను నూరేళ్లు బతకాలంటే ఏ దేవున్నో 

కోరాల్సిన అవసరం లేదు,

నుదుటిన కుంకుమగా నన్ను పెట్టుకో చాలు

నేను చిరంజీవినవుతా.........

నిధి నిక్షేపాలు దొరకాలంటే ఏ దీవులనో 

వెతకాల్సిన బాధ లేదు,

చిన్ని నవ్వు నాకు ఇచ్చుకో చాలు

నే అపరకుబేరుడనవుతా.....

నేను తిరిగిరావాలంటే సావిత్రిలా

యముడితో గోడవపెట్టుకోవాల్సిన కష్టం నీకు లేదు,

ప్రేమగా నా పేరు పిలువు చాలు

చితిలో నేను శవమైనా నీ వశమైపోతా....

                     శాశ్వతమౌతా....

                               నీలో .....