తరుణం

తరలివచ్చే ఆ తరుణం తానె తెచ్చే కానుకలు

కలసివచ్చే ఎద ప్రేరణం తిరిగి పెంచే కోరికలు ౹2౹

చ౹౹

చంద్రబింబం సూర్యడంబం సూటిగా చూడనే 

మంద్ర బింకం ఆ ప్రేమపొంకం వాటుగా వేడినే 

తొలి వలపు జ్ఞాపకాలే తోరణాలుగా తొడిగినే

మలి కాలపు ప్రాపకాలై అరణాలనూ అడిగినే ౹ప౹

చ౹౹

పూలగంధం ప్రేమబంధం పెనవేసి కోరమనినే 

చాల అందం ఆ లేమ డెందం కోరి చేరమనినే 

పూసిన పూలై పులకించినే ఎద చేరిన వెన్నెలే

రాసిన అక్షరాలై రంజిల్లెనే వన్నెలా సంతకాలే ౹ప౹

చ౹౹

గుండెల్లో ఏముందో గుర్తెరిగి మరి చెప్పేయనా

కన్నుల్లో దాగున్న కాంక్షనే కనిపెట్టి విప్పేయనా

ఆరు ఋతువులు ఆమనితో హాయి పంచగా

పోరు క్రతువులు పొంగించనే ప్రేమనే ఎంచగా ౹ప౹

చ౹౹

తరలి వచ్చిన వసంతం తనే చేసికొనే సొంతం

పొరలి పొంగిన పొంకం పాదక్రాంతమే సాంతం

తరలివచ్చే ఆ తరుణం తానె తెచ్చే కానుకలు

కలసివచ్చే ఎద ప్రేరణం తిరిగి పెంచే కోరికలు ౹ప౹