Library
Profile
నమో విష్ణువే! నమో జిష్ణువే!
నమో విష్ణువే! నమో జిష్ణువే!

🙏 ఓం నమో నారాయణాయ 🙏
||పరమానందమగు నీ దివ్య మంగళ మనోహరరూపదర్శనం
ఆత్మనందమగు నీ పంచాక్షరి నామ జపోచ్చరణం||
||అరుణ పారాణికెంత మోక్షమో గదా! హరి
చరణ పద్మాల పై అలారారుతుండగ.||
||పద్మావతి సమేతుడై కొలువుదీరగనే
అనంతుడి ముదము పై అలుమకోదా
ఆనందాల హేళ, కోలాటాల మేళ.||
||జాజీ, సంపంగి, మల్లె, తామరులు తపించె నేమో!
వక్షస్థలం పై నిక్షిప్తమై విరజిల్లాలని
జాపియించెను జలదులు తపియించెను వనములు
కనులరా కాంచి తనువు చాలించాలని||
||శ్రీహరి నామము ప్రజ్వలిల్లగనే
హరించే ఆత్మలు, తరియించే జన్మలు||
||కౌస్తుభమునకు మెరుపు సన్నగిల్లెను
పద్మనాభుని ముఖారవిందం ఎదుటనే||
||ప
ిలుపులు వైకుంఠపు తలుపులు తాకగనే
ఇడుపుల ముడుపుల విప్పెదవట! వేంకట హరి!||
||సాంబ్రాణుల దూపం దుముకుచుండగనే
అగరు బత్తుల పొగలు పొంగుచున్నాయి
వే వేల దండాలు వెంకట గిరీశ! వైకుంఠ వాస!||
||కుమూదినుల పై కురుపించెదవట కౌముదిని
ముదమున వెదజల్లెదవట ఆనంద సౌదామినిని||
||తీరని ఋణములు తీర్చేదవట
మారని మనుగడ మార్చేదవట||
||మేఘ మాలికయో హంస తూలికయో
రాగ గుళికయో నీ సన్నిధి స్వామీ||
||అర్దరహిత జీవితుల నుదుటన
పరమార్థభరితమగు పసిడి పూతను పూసేవు
లీలావినోది! కరుణాబ్ది! పుండరీకాక్ష!చారుకేశ!||
||జలజలమని జరులు జారెను
విలవిలమని విరులు విరిసేను నీకై! స్వామీ
నిలకడ లేని మదికి నీడయ్యి నిలిచావు
నిలబడ లేని కాళ్ళని నీ దారిలోకి మాలిచావు.||
||ఆనందా, గోవిందా!ఆదిత్యా! అచ్యుతా
పండిత పామరా మునిజన వంధిత !...
మము బ్రోవగ రా దొర.మనోహర ముకుందా...||
||ఓం నమో విష్ణువే! జిష్ణువే ||
||ఓం నమో కృష్ణవే! తృష్ణవే ||
