వృక్షవిలాపం

ప౹౹

చెట్లు మాటాడితే చెడామడా తిట్టేస్తాయి

ఒట్లువేసి మనిషికి దూరంగా జరిగేస్తాయి ౹2౹

చ౹౹

కమ్మనిగాలి ఇచ్చినందుకు కనికరమేదని

చల్లని నీడను పరచినందుకూ చంపావనీ ౹2౹

నోరు తెరచి నిన్నూ నిలబెట్టి కడిగేస్తాయి

భోరుమని రోదించి పెద్దగానే విలపిస్తాయి ౹ప౹

చ౹౹

పచ్చదనాన్ని చేయగ సుష్టుగా ఫలహారం

కచ్చతనాన్ని చూపి కోరూ మరి పరిహారం ౹2౹

అడ్డదిడ్డంగ అడవిని చేసినందుకే నాశనం

చెడ్డదినములే చేరి చేయు పెద్ద వినాశనం ౹ప౹

చ౹౹

నీడనిచ్చిన తమకే నిలువనీడ లేనందుకు

కీడునే తొలగించి మంచి గాలిచ్చినందుకు ౹2౹

జాడలనే తొలగించే జనావళిని శపిస్తాయి

జాడలేకుండా చేస్తున్న వారిపై కోపిస్తాయి ౹ప౹