విహార యాత్రలు

వారాంతం సెలవుల కోసం ఎదురుచూపులు

సిటీ నుండి కొండల్లోకి పరుగులు

పాటలు సరదాలు

ట్రెక్కింగ్ స్విమ్మింగ్ అనుభవాలు

మనలో మనమే చెప్పుకోవాలనుకునే కబుర్లు

మనసైన వాళ్ళ మధ్య ఏకాంతాలు

కెమెరాల్లో బంధితమవుతున్న అనుభూతులు

కొండ కోనల్లో సెలయేళ్ల చప్పుళ్ళు

కొత్త మనుషులు కొత్త పరిచయాలు

ప్రతి ప్రయాణంలో నేను కొన్ని భద్రంగా పదిలపరుస్తాను

ఆ కొత్త చోట్లలోని మనుషులు వారి నవ్వులు 

జ్ఞాపకాలన్నీ ఫోటోల్లోనే కాదు

పుస్తకాల్లో భద్రపరుస్తాను

ఎవరో చదువుతారని కాదు

మనసు బాగోలేనప్పుడు

ఆ పుస్తకాల పేజీలు తిప్పుతాను

వాటిలో విహార యాత్రలు చేస్తాను