వచ్చితివా స్వామీ

నీ పాదములు విడువలేనని తెలిసి

నా పూజా ఫలముగా మారి

నా కోసం వచ్చితివా స్వామీ

నను మెచ్చితివా స్వామీ

అలనాటి గజేంద్రుని పిలుపులా అనిపించిందా

నా భక్తిలోని ఆర్త్రత నీకు తెలిసినదా

తులసీదళార్పణ ఫలముగా

వేగిరము వచ్చితివా బృందావన విహారీ

ఈ వేళా ఆ వేళా అని లేకుండా

ఎల్ల వేళలా నిన్ను స్మరించి

నీ నామముతో తరించి

నిన్ను దర్శించు భాగ్యముకై అడిగితినని

కృష్ణా!

ఈ నిమిత్తమాత్రుడి కోసం

ఈ ఆత్మకు మోక్షం ప్రసాదించుట కోసం

వచ్చితివా స్వామీ

నా మొర విని పరుగులిడి

వేణువును కూడా మరచి వచ్చి

నా జన్మ ధన్యం చేసితివా స్వామీ