Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

PRASHANT COOL

Romance


3  

PRASHANT COOL

Romance


తపన

తపన

1 min 338 1 min 338

గలగల పారే సెలయేటి పరవళ్లు-నీ చిరునవ్వుల సవ్వళ్లు


మేలిమి మకరందపు సిరులు-నీ తీపి పలుకుల మరులు


అలుపెరుగక కురిసే ధ్రువదేశపు మంచు-కొలువైనది నీ చలువ చూపుల అంచు


నిలువెల్లా అల్లుకున్న మరుమల్లె తీగలు-సదా పెనవేసిన నీ చెలిమి రాగాలు


కనిపించే ఊపిరివై నా మనసంతా నిండినావే


వికసించే ఉదయమై నా తనువంతా పండినావే


నింగిలోని తారలను నేర్పుగ కలిపి నా ఊహల్లో వెన్నెల రంగవల్లి వేసితివే


రంగుల హరివిల్లుని తొడిగి మయూరివై మదిలో పురివిప్పి నర్తించితివే


నను చెక్కుటకు వచ్చిన చక్కని చుక్కవే


నా దిక్కులను చక్కదిద్దే చుక్కానివే 


నీ తలపుల తామరలు నా తనువంతా విరబూసెనే


నా మనసు తమకంలో సుగంధాలు స్రవియించెనే


వలపు అలల అలికిడికి మెలికలు తిరిగెనే నా మనసుకి


చిలిపి కలల అలజడికి మొలకలు పెరిగెనా నీ సొగసుకి


నీకై పరితపించే మనసు పిలుపు ఆలకించవే


నీపై కురిపించే ప్రీతిని మనోనేత్రాలతో తిలకించవే


కరుణిస్తే ఎడబాటే ఎరుగని పల్లవి-చరణాలకు సమఉజ్జీలమవుదాం


కలిసొస్తే విడదీయలేని వేడి-వెలుతురులకు ప్రతిరూపాలమవుదాం



Rate this content
Log in

More telugu poem from PRASHANT COOL

Similar telugu poem from Romance