తన సొగసు

ఏ వెన్నెల జల్లైనా..తననవ్వుకు సాటిరాదు..!

ఎంత పాలపుంతైనా..తన సొగసుకు సాటిరాదు..!

పలకరించు ఒక బంగరు..చేమంతియె తాను కదా..

ఏ పూవుల మధువైనా..తన చూపుకు సాటిరాదు..!

పోలికతో అవసరమే..లేని అందమెట్లుండును.. 

ఏ తారక మెఱుపైనా..తన సొగసుకు సాటిరాదు..!

సూత్రాలను సృష్టించే..పనికన్నా గొడవేదోయ్..

ఏ మెఱుపు దాడైనా..తన పరుగుకు సాటిరాదు..!

ప్రతి పూవున పొంగు రంగుమాటు కళలెన్నో..

ఎంత ఇంద్రధనువైనా..తన తలుపుకు సాటిరాదు..!