స్నేహితుడు

మాటలురాని పసివయసులో

కేరింతలకు మురిసేవాడు .

బడిబాటలో నేర్చుకొనుటలో

ఒక ప్రేరణగా నిలిచేవాడు .

సాహసోపేతమైన యువతరంలో

ప్రశంసిస్తూ నడిచేవాడు .

బాధ్యతాయుతమైన జీవితంలో

అండదండలతో మెలిగేవాడు .

కష్టంలో కన్నీటిని తుడుస్తూ

సంతోషంలో నవ్వులు చిందిస్తూ

ఆశలను అనుక్షణం కలిగిస్తూ

ఆశయాలను ఓర్పుతో స్వాగతిస్తూ

ప్రతి అడుగులో , ప్రతి మలుపులో

మంచిమనిషిని నాలో చూసేవాడు .

*** # *** # ***