సమీరం

ప౹౹

చేసిన బాసలు చెరపవద్దు ఓ చెలికాడ

చూసిన చూపులు మరువకూ సఖుడ ౹2౹

చ౹౹

ఆనాటి మాటలూ నీటిమీద అలలేనా

ఆ మేటి పాటలూ ఒట్టి పగటి కలలేనా ౹2౹

ఏమయిందో నా మనసుకూ తెలపవా

ఏమనుకోకుండా నీ ఎడదను కలపవా ౹ప౹

చ౹౹

తెమ్మెర తెరలేపే తెగువతో ఆ వలపునే

తుమ్మెద బరిలో దింప ఇచ్చే పిలుపునే ౹2౹

మరచితివ మనమనుకున్న మాటలనే

ఎరచితివా ఆలకించ ఆ ప్రేమ పాటలనే ౹ప౹

చ౹౹

ఆ వలపు ఎడారిలో వెన్నెలేగ పొసగకనే

ఆవల తీరం అలయక చేరుకో అడగకనే ౹2౹

అందివచ్చిన అవకాశం చూసే అదనులో

అంధకారమే చేయకు ఆశలుడక ఎదలో ౹ప౹