శ్రావణంలో నదిని నేను
శ్రావణంలో నదిని నేను
మేఘాల్లో నీటిని నేను
నీ మాటల్లో భావం నేను
పూవుల్లో సువాసన నేను
నీ పోపుల పెట్టె వాసన నేను
కాటుకలాంటి చీకటి నేను
నువ్వు కొనాలనుకునే సెంటును నేను
బాదం చెట్టు ఆకును నేను
నువ్వాడే చికుచికు పుల్లను నేను
బెరుకు లేని బంధం నేను
మధ్యాహ్నం వేళ డబ్బింగ్ ఆనందం నేను
ఉప్మాలో వేసిన ఊరగాయ రుచిని నేను
నీ అభిరుచిని నేను
శ్రావణంలో నదిని నేను
పర్వతాలు మైదానాలు దాటి
సాగరమైన నీలో కలుస్తాను
నీలో నిలుస్తాను