శిల్పమెదో

రాగవీణ సాక్షిగాక..మోహసుధలు రాలవులే..! 

ధర్మసూక్ష్మ మందకనే..కర్మవలలు తొలగవులే..!

ఏ క్షణమున కేరెప్పలు..వాలేనో ఎవరికెరుక.. 

ఆశవెంట పరుగాపక..వెర్రికలలు వీడవులే..! 

వింతదాహ యాతనతో..తిరుగుపక్షి మనసేకద..

జన్మగుట్టు వివరించే..మబ్బుతెఱలు ఉండవులే..!

మంచుపూల దుప్పటిలో..పుడమిగీతి విన్నావా..

అమ్మప్రేమ రుచిచూపే..తీపిసెగలు దొరకవులే..!

చెలిచెక్కిలి సోయగాలు..వర్ణించే పదములేవొ.. 

చెలికానికి పెదవులింట..ఏచిలుకలు పొదగవులే..!

ముత్యాలో రతనాలో..చెలినవ్వుల సమమేవో.. 

చెప్పగల్గు కవనాలను..కడలియలలు అల్లవులే..!