రాయని ఉత్తరం

ప౹౹

ఉత్తరమే రాయాలని ఉబలాటం నాకు చాలా

ఉత్తమంగా రాయాలని తగని ఆరాటం భళా ౹2౹

చ౹౹

కొమ్మచాటు కోయిలని కొత్తగాను చూపాలని

రెమ్మపాటు రాగాన్ని వివరంగ వినిపించాలని ౹2౹

కలనే కన్నాను కమనీయమై కనుల విందుగ

అలలై మదిలో మారామే చేసి కలతే చెందగ ౹ప౹

చ౹౹

ఏరికోరి ఎదలో మర్మాన్నీ ఎంతో ఒద్దికా చేసి

సరిజేరి ఎడద జ్ఞానాన్నీ అంతానూ ప్రోదీజేసీ ౹2౹

సాకారం చేయను ఆ కలను నిజంగానే నేను

ఆకారం ఒకటి తానొకటీగా ఏర్పరుచమనేను ౹ప౹

చ౹౹

కనుగొని ఆ నవ్యత కమ్మదనమే చూపాలని

అనుకొని ఆ రమ్యత నడకలో కనిపించాలని ౹2౹

తలచి ప్రయత్నించినా నే రాయలేకపోయానే

అలసి రాయలేని చిత్రం రాయని లేఖాయానే ౹ప౹