ప్రణయ కలహం

లలితమైన వదనాన.ఆలోచనల అభినయాన..

ఆ సైగలు తెలిపే భావం నీ గురించైతే...

మౌనమే సంగీత ధ్వనిగా మ్రోగింది...

ఆ సప్తస్వరాల సంమేళనానికి హేతువు నీ స్వరమైతే...

చిలిపి తనానికి అద్దం పట్టేలా ఉందా అల్లరితనం...

ఆ తుంటరి అద్దంలో దాగిన ప్రతిబింబం నీదైతే...

నాది అనుకునే ఆరాటం ఉవ్వెత్తున్న ఎగసి పడుతుంది...

ఆ అలల తాకిడిని నియంత్రించే సాధనం నీవైతే...

 స్వచ్ఛమైన మనసులో నీకై కట్టాను ప్రణయ కంకణం...

 నాతిచరామని అగ్నిహోత్రం సాక్షిగా ఒకటైనమన మూడుముళ్ళ బంధం ...

నిత్యం నెమరువేసుకోవాలి మన ప్రియ కథనం...

 జీవితాంతం సాగాలి నీతో... నా...

ప్రణయ కలహం ...