ప్రణయ దృష్టి

ముందుకు అలలు వలె సాగుతోంది ఈ జీవితం,

యవ్వనం చేస్తోంది జీవితానికి సుమ సుశోభితం,

అస్థిర మనసు అయ్యెను రూపసి వద్ద వశీభూతం,

అనంతరం ప్రణయ ద్రుష్టి అయ్యెను అనంతం |౧|

రూపసి పై మన్మధుడు ఇచ్చెను ప్రేమ సంకేతం,

ప్రేయసి అవమని ఇచ్చెను తన ఒక్క అభిమతం,

చూసి చూసి చేశెను అనంత అనురాగం అంకితం,

ప్రియతమ ప్రతి మాట అనిపించెను మధురగీతం |౨|

ప్రియుని కొంటెచూపు చూసి బిడియం పొందెను రూపవతి,

అల్లకల్లోల మతి నుండి మాయమయ్యెను శాంతి విశ్రాంతి,

తన అభిమాని అభిప్రాయాన్ని కన్నులతో ఇచ్చెను సమ్మతి,

పరస్పర ప్రీతితో ప్రేమజంట పొందింది ఆనంద అనుభూతి |3|