ప్రేమలేఖ

ప౹౹

అందుకున్నాలే ఓ అందమైన ఒక ప్రేమలేఖ

అందుకొని దాచుకొన్నాలే సంగతి చెప్పలేక ౹2౹

చ౹౹

ముద్దుగొలిపే ముత్యాల్ని పోలిన అక్షరాలు

సద్దులేని ఎలమితో మదిలో వలపుక్షీరాలు ౹2౹

పొంగిపొరలి వచ్చేనే ఎదలోని ఆ భావాలు

నింగిలోనీ మబ్బులని తాకిన అనుభవాలు ౹ప౹

చ౹౹

కలలోనూ వినిపించెనే కమ్మని సంగీతంలా

కలయికకోసం హృది మారాం చేసే గీతంలా ౹2౹

వద్దికగా ఒదిగినే లేఖలోని తీయని పదాలు

పొందికగా వినుపించే ప్రేమపక్షపు వాదాలు ౹ప౹

చ౹౹

కోయిల కొత్తరాగంతో ఉవ్వెత్తున కూసినట్లు

హాయిలా వింత పోకడ ఆమని కమ్మేసినట్లు ౹2౹

తనువు చలించెనే తన్మయత్వము పట్టలేక

అణవణవూ కదిలించెను ఆ నవ్య ప్రేమలేఖ ౹ప౹