ప్రేమ జాబిలి

భువియందు నేనొక ప్రేమ బాటసారి..!

దివియందు నీవొక ప్రేమ జాబిలి..!!

నీ నవ్వుల వెన్నెల్లు నాపై కురిపించి-నా మదిలో అలజడి రేపావు..!

కానీ,నా జీవితపయనంలో లేని 'ప్రేమ' మజిలీ కోసం ఎన్నాళ్ళని వెతకను..!!

అంబరాన అలరారే అందమైన 'జాబిలి'ని చేరుకోలేను...!

నీవు నా గుండెలో చేసిన తీపి గాయాల గురుతులను చెరుపుకోలేను...!!

అందుకే,ఆ 'జాబిలి'ని చూస్తూ..

నిన్ను ఆరాధిస్తూ..అభిమానిస్తూ..

నే ఉంటా..జీవితాంతం...!!!