పెళ్లంటే..

కాలం తడబాటు

వాదం వేర్పాటు 

గుర్తు చేసినా

కలిసి ఉండాలని

ఒకరినొకరు అర్థం చేసుకోవాలని

వెళ్ళేదారిలో కష్టాలు వచ్చినా

ఆపదలు ఎదురైనా

ఒకరి చెయ్యి మరొకరు వీడకూడదని

పాపపుణ్యాల స్థితులు

పరి పరి విధాల ఆరోగ్య సమస్యలు

అన్నిటా కలిసి

ఒకరి ఆయుష్షుకు మరొకరు రక్షగా ఉండాలని

వేదనల్లో ఆమె అతని చిరునవ్వుగా

తపనలో అతడు ఆమెకు ఆదరువుగా

పవిత్ర సృష్టి కార్యంలో

వారు ఆ ఆది దంపతుల్లా

ఒక స్ఫూర్తిగా

జంట పక్షుల్లా

మాంగల్య శోభకు వారసత్వంగా ఉండమని

చెప్పేదే పెళ్లంటే

ఆ బంధాన్ని నూరేళ్ళ పంటగా చేసుకోవడం

మన చేతుల్లోనే ఉంది