పడుతూ లేస్తూ ముందుకు వెళుతూ
పడుతూ లేస్తూ ముందుకు వెళుతూ
పరాకు నాకు అలవాటు
చిరాకు నా సర్దుబాటు
పొద్దున్నే లేవటం జరుగుబాటు
అన్నిటికీ ఆలోచించడం పొరపాటు
నేనూ నీలానే
బస్సులో చివరి సీటు వద్దని ముందుకు వెళతాను
కానీ రిజర్వేషన్ మాత్రం చేసుకోను
క్యూలో నిలబడడం ఇష్టం ఉండదు
అలా అని ముందుగా రాను
కొన్ని తప్పులు నాకు నేరాలుగా అనిపిస్తాయి
మరి కొన్ని నేరాలు అసలు తప్పులా కూడా అనిపించవు
సగటు మనిషిని నేను అని సోది చెప్పను
అలా అని స్వగతం ఇతరుల మీద రుద్దకుండా ఉండలేను
ఎందుకా
ఏమో
అదే కదా ట్రెండు
మన ఆలోచనల్ని మనం గౌరవించుకోవడం మానేసి చాలా రోజులయింది
ఆ విషయం తెలిసినా తెలీనట్టు
పడుతూ లేస్తూ ముందుకు వెళుతూ ఇలా నీకు కనిపించాను