ఓ నృత్యం..

ఓ సందర్భం

ఓ అవకాశం

ఓ అద్భుతం

ఆమె నృత్యం

ఓ సంప్రదాయం

డోలు వాద్యానికి అనుగుణంగా

ఆడే కొత్త ప్రయోగం

కాలి అందియల చప్పుళ్ళు

కంటి చూపుతో కలవని కదలికలు

ఓ పోటీ

ఓ సభ

ఓ నిర్ణయం

ఓ జీవితం

ఆమె నృత్యం

వినోద ప్రధానంగా సాగొచ్చు

అంతర్లీనంగా అందులో ఏదో దాగుంది

చప్పట్లను దాటి నడిచే అడుగులు అవి

బహుశా

అదే ఏదో ఆమెను బయటికి తెచ్చింది

పంజరంలోంచి

మన చూపుల్లోంచి

అభిప్రాయాల వలయంలోంచి..