ఓ నల్లరాతి వజ్రమా!

ఓ నల్లరాయి నాణ్య శిల్పమా!

ఓ ఓర చూపుల నల్ల జాబిలీ...

నీ నీలి కనుల నీడలలో...

వేయి పడగల మ(హ)త్తు ఉన్నది!

ఓ దోర వలపుల నల్ల గులాబీ....

నీ తలపు మెరుపుల జాడతోనే...

ముళ్ళు సహితం కవితలళ్లెను!

ఓ నాజూకు నడుము నల్ల మల్లీ....

నీ వన్నె చిన్నెల వంపుల్లో కాబోలు

ఆ చూపులన్నీ చిక్కుకున్నాయి!

ఓ అందచందాల నల్ల మయూరీ...

నీ రూపురేఖల కనుల పండవే....

వేవేలమంది మనసు పందిళ్లలో!

ఓ వేడి వెన్నెల నల్ల నక్షత్రమా...

నీ తోడు నీడల హంగురంగులతో...

నీలి మబ్బులు గమ్మత్తుగా నలుపెక్కే!

ఓ నల్లంచు చీరల నీలి వజ్రమా....

నీ జిలుగు వెలుగుల కాంతిలో...

సూర్యచంద్రులు చులకనైనట్లే!

ఓ చురుకు బెరుకుల నల్ల నాగిని

నీ తళుకు బెళుకులు చందనాలే చెప్పే...

నీ మదిని పొదిని అమృతాలుండునని!

                   రచన:........ఆజాద్