ఓ లేఖ ముద్దుగా

వ్రాశాను జాబిలికి..ఓ లేఖ ముద్దుగా..! 

పలుకకే వచ్చింది..కలలోకి తోడుగా..! 

తనతీపి స్పర్శతో..స్పృహలెల్ల మాయమే.. 

నిజచెలిమి వెన్నెలను..కురిసింది మధువుగా..! 

చిరుగాలి తరగల్లొ..దాచింది తనవలపు.. 

నా తలను నిమరగా..చేరింది పదముగా..! 

ఎవరేమి చెప్పినా..వినదాయె ఈ మనసు.. 

తనప్రేమ సాక్షిగా..దక్కింది ధనముగా..! 

కాలాన్ని నిలిపేయు..విద్యతో పనిలేదు.. 

పెనువిరహ తాపమే..చూడగా వరముగా..! 

గణయతిప్రాసలకు..లొంగదీ భోగమే.. 

అక్షరం వెన్నులో..మౌనమే తరువుగా..!