నయనాలు

ప||

కవ్వించి కనువిందులూ చేసే ఆ కళ్ళు

నవ్వించే అందమైన ఊహల లోగిళ్ళు |2|

చ||

కనురెప్పలు మూసి కల్పనే చేరే కలలై

మనసు రెక్కలే విరిసెనులే పూమాలలై |2|

ఎక్కడో పూచిన వెన్నెల విరిసినే ఇక్కడే

తోడుగ సాగినే చందమామ తానొక్కడే |ప|

చ||

కొత్త లోకం సరికొత్త ఊహలే సమీపించే

చిత్తమంత వలపు చినుకులే చిలకరించే |2|

కోరికకే కారకమాయేగ కలకంఠి వీక్షణం

ఉరికే ఎదలో నిలిచే ఆస్మరణే ప్రతీక్షణం |ప|

చ||

ఎదుట నిలిచిన ఎరుకనే మరచే మనసు

వలపు వగపు వదలక వెంటాడే ధనుస్సు |2|

పగలు రేయి వేటాడెగ తననే ఆ కాంక్షలు

కూరిమే కూడేసి ఇకచెప్పు శుభాకాంక్షలు |ప|