నిన్ను నువ్వు ప్రేమించు

పడిపోతున్నా

అగాథం లోకి

పట్టుకొనేదెవరు

కూరుకుపోతున్నా ఊబిలో

బయటకు లాగేదెవరు

దహించుకుపోతున్నా ద్వేషాగ్నిలో

మంటల్ని ఆర్పేదెవ్వరు

చీకటిలో కలిసిపోతున్నా

వెలుగును ఇచ్చేదెవ్వరు

ఎవ్వరూ రారు

రాలేరు

కొన్ని సార్లు

చేద్దామనుకున్నా నీకు సాయం చేయలేరు

అందుకని

నీ జీవితాన్ని అలా వదిలేసుకుంటావా

నీ శక్తిని నిర్వీర్యం చ

Advertisement

ేసుకుంటావా

ఓటమికి తలొగ్గకు

కుదిరితే పరిగెత్తు లేకపోతే నడువు

అదీ చేత కాకపోతే పాకుతూ పో

అంతే కానీ ఒకే చోట అలా కదలకుండా ఉండి పోకు

అన్న మహాకవి శ్రీ శ్రీ మాటలు గుర్తు పెట్టుకో

ప్రయత్నాల్ని మానకు

కృషితో నీవు అనుకున్నది సాధించేంతవరకు

దృష్టిని మళ్ళించకు

ఎన్నో ప్రలోభాలు నిరాశలు నీ ప్రయాణంలో ఎదురవ్వచ్చు

వాటిని అధిగమించి ముందుకు నడువు

నిన్ను నువ్వు ప్రేమించు

ఇతరులకి ప్రేమను పంచు