నిన్ను చూసాక

కాళ్ళ క్రింద భూమేం బద్దలు కాలేదు

కంటిలోని నీరు బయటికి రాలేదు

శ్వాసలో అలజడి వ్యక్తం కాలేదు

నిన్ను పలకరించేంత ధైర్యం రాలేదు

కానీ

మనసు లోపలి పొరల్లో ఎక్కడో కలుక్కుమంది

నువ్వు మరో వ్యక్తిని ఎంచుకోవడం చూసి

ఏదో పాత గాయాన్ని తక్కిన అనుభూతి

మానిపోబోయే ముందు మళ్లీ తిరగబెట్టిన రోగంలా

ఒళ్లంతా సలిపింది

అలా నిన్ను చూసాక

గుండె పగిలిన చప్పుడు

ఎక్కడని వెతికాను

సమాధానం దొరకలేదు.