నిజం కాని కల

మంచు పూల గుండెల్లో మకరందం కాను నేను

 రాతి గుండె లోతుల్లో స్పందించని శిలను నేను 

రాయంచల సందేశం నాకెందుకు పంపుతావు

నీ హృదయపు రాణివాస ప్రియసఖినై రాను నేను…

 శిధిలమైన జ్ఞాపకాల చివరి పేజి రాస్తున్నా 

 బరువెక్కిన రెప్ప వెనక నిజంకాని కలను నేను

 ఘోషించే సాగరాల విషాదాల్ని మోస్తున్నా 

 తీరాలను చేరలేక ఉప్పొంగే అలను నేను

 నీ లోపలి సగం కాను నా లోపల నేను లేను

 సత్య కంటి చెమ్మలుగా మిగిలిపోవు కథను నేను…