నీవు కంటే పడగానే

నీవు కంట పడగానే..చెలిగ మారి పోయానా..!

నన్ను నేను తెలియకనే..మనసు ఇచ్చివేశానా..! 

ప్రేమమధువు ఒంపకలా..త్రాగలేను ఒకేసారి.. 

కదలలేక పోతున్నా..వలను చిక్కుకున్నానా..!

దిగులుపూల చెట్టులాగ..తనువు కాలిపోతున్నా.. 

ఏమిటొ ఈ ఆనందం..నేను నాకు దొరికానా..! 

కలలతోట ఎక్కడో..పనేముంది అసలింకా.. 

నవ్వుపూల మేఘంలా..ఇపుడు నేను అయ్యానా..! 

నీవు నేను మాయమైన..సాక్ష్యమెలా మిగిలేనో.. 

అక్షరాల వరమాలై..నన్నునేను చేరానా..!