గ్రంథాలయం
ప్రొఫైల్
నీవే
నీవే
1 min
8
మనసు మౌనమయ్యిందా..మహాశక్తి నీవే..!
కరుణ వెల్లువయ్యావా..దివ్యశక్తి నీవే..!
తేనెలేల పలుకుతేనె..పంచుటయే పనిలే..
సత్యవచన ధారవైన..నవ్యశక్తి నీవే..!
కనులుతెరిచి వెతుకులాడు..ముచ్చటతో గొడవే..
కలలపడవ తగులబడితె..అమృతశక్తి నీవే..!
నియమనిష్ఠ లేమిలేవు..విధించే వారుండరు..
నిజసమాధి చేరావో..ధ్యానశక్తి నీవే..!
బోధలన్ని బాధించే..ముళ్ళని భావించకు..
నేర్చుకోగా సిద్ధమైన..నిత్యశక్తి నీవే..!
