నీన్నంటే గత క్షణం

అనుభవాల తేనియలను.. కురిసి వెళ్ళినావు కదా..!

అందమైన దారేదో..వేసి వెళ్ళినావు కదా..!

నిన్నంటే గత క్షణం..నేడంటే ఈ'క్షణమే..!

జ్ఞాపకాల పూలతోట..నిలిపి వెళ్ళినావు కదా..!

రేపటితో అనుబంధమె..మరుక్షణం అనుక్షణం..!

నీతో నా చెలిమిబాట..చూపి వెళ్ళినావు కదా..!

ఏ క్షణమూ నిను మరువక..స్వాగతింతు మధురముగా..

యుగయుగాల చెలిమి పాట..నేర్పి వెళ్ళినావు కదా..!  

కనురెప్పల కొలువుసాక్షి ..బహు చక్కని చిత్రసీమ..

పెను నిద్దుర నిఘంటువున..దాచి వెళ్ళినావు కదా..!