నీ నవ్వే...

నీ అందమైన నవ్వు

అపుడే విరిసిన సిరిమల్లె పువ్వు

తూర్పున వికసించిన మందార పువ్వు

కొలనులో విచ్చిన తామరపువ్వు

నువు నవ్వితే చాలు

ఎన్ని నవరత్నాలు నేల రాయాయో

అవి ఒడిసి పట్టాలంటే

 ఒక దోసిలి సరిపోవునా

నువు నవ్వితే చాలు

 ఎన్ని పూలు మొగ్గముడిచాయో

ఆ మొగ్గలను లెక్కించ

 ఈ జన్మ సరిపోవునా

నువు నవ్వితే చాలు

 ఎన్ని చుక్కలు మబ్బులో దాగాయో

 మళ్లీ ఆచుక్కల వెలుగులు చూడ

అమవస రేయి సరిపోవునా