నీ ఎదుటే

రాచిలుకై నామనస్సు..వాలెనుగా నీ ఎదుటే.! 

మయూరమై నాహృదయం..నిలచెనుగా నీ ఎదుటే.!

ఈ మలగని కన్నులతో..అల్లరింక ఓపుటెలా..

యవ్వనమే వసంతమై..విరిసెనుగా నీ ఎదుటే..!

సిగ్గుపడే సింధూరపు..చెక్కిలింటి సొగసు చూడు.. 

సోయగాల రసజగమై..పొంగెనుగా నీ ఎదుటే..!

నీవు లేని ఈ వేళన..మేలమాడు తనువిదుగో.. 

నీ చెలిమికి నైవేద్యం..పెట్టెనుగా నీ ఎదుటే..!

ఎందుకటా దొంగాటలు..నాటకాన నాటకమా..

మౌనముగా నా పరువం..నవ్వెనుగా నీ ఎదుటే..!