నా మనసే

జరగ'లేదు నా మనసే..చూపలేని మత్తువీడి..!  
హాయి ఎలా ఉంటుందో..చెప్పలేను పెదవి విప్పి..! 

ఎటుచూస్తే అటునీవే..రంగులతెఱ తొలగిపోయె.. 
ఎంత వింత వెన్నెలోయి..పాడరాదు ఈ సందడి..! 

మాటలేల ఓడిపోయె..భాషలేమొ మౌనమాయె.. 
నీ చూపుల తేనె రుచిని..పొగడలేక మూగబోయి..! 

పరవశమే లేదులెమ్ము..నీ వశమే సర్వస్వము.. 
ఎఱుకకెంత వినోదమో..ఉండినదీ తనువుసాక్షి..! 

పిలిచేపని నిలిపేస్తివి..తలచుకోగ ఏముందిక.. 
అలజడులే ఆగిపోయె..నీ అడుగుల సడివినబడి..!

రాగసుధా భరితమైన..కావ్యమేల ఇక వ్రాయను.. 
వియోగమే యోగమైన..సౌఖ్యమెంత వరమైనది..!