నిద్దరకొచ్చిన బిడ్డ

లేగదూడ ఆకలికి ఆవు అంబా అని పిలిచినట్టు

గూటిలోని గువ్వ పిల్లకు తల్లి పక్షి తినిపించినట్టు

నా ఆకలి నీకు తెలియలేదా అమ్మా

కాసింత బువ్వ పెట్టమని అడిగానమ్మా

యశోదమ్మ కృష్ణుడిని బుజ్జగించినట్లు

బెజ్జ మహాదేవి శివుడిని లాలించినట్లు

నాకు జోల పాట పాడమ్మా

నిద్దరకొచ్చిన బిడ్డకు జోల పాడతారు కదా

అమ్మా

ఏమ్మా పలకవూ

దేముడి దగ్గరే ఉంటావని చెప్పారే

మరి పలకవు ఎందుకమ్మా

దేముడు మాట్లాడొద్దని చెప్పాడా