నే వినేలా నీవనవా !
నే వినేలా నీవనవా !
ఈ వేళ నాలో పరవశం . నా మనసే ఐనదేమో నీ వశం .
నీవే ఎదుట . కనులకు కనిపించక .
ఎదలోనూ మోహపు జ్ఞాపికలు . ఆగక .
సమయం ఉదయమో , సాయంత్రమో తెలియక .
చుట్టుప్రక్కల సమరమే జరుగుతున్నా ,
నేనున్నా నీ తలపులలోనే , కొంచెమైనా చలించక !
నింగి నేల వేరైనా
ఎన్నటికీ అవి చేరువకాలేనివి ఐనా
ఒకటికి ఒకటి అద్దంలా .
విడిచి ఉండలేనివే అనిపించేలా !
నీరు గాలి ఆ మధ్యలో ఎంతలా తిరుగాడినా ,
ఏ ఒక్కటి వెల్లువలా నిలువెల్లా చెలరేగినా ,
రెండవది చూస్తూ ఊరుకొనునా ?
ఏకమై విలయతాండవమే సృష్టించవా !
నీవు నేను అంతే కాదా ?
ఎంతసేపైనా ఒకరినొకరం తలుస్తూనే ఉన్నా ,
చూపులతో యుద్ధానికో ,
పంచుకోవాలని ముద్దులతోనో సంసిద్ధమో కామా !
ఉత్సాహమే ఊరించగా ,
ప్రేమనే కలిగించేదిగా ఆ ముచ్చటలోని వెచ్చదనం
మనలో నవ్వులు పూయించేదే కదా ,
దూరాన్నీ తగ్గించేదే అని నే వినేలా నీవనవా ! 😀