నా ప్రేమను

మాటలలిగి కూర్చున్నవి..తెల్పుటెలా..నా ప్రేమను..!

మనసు మాయ చేస్తున్నది..పలుకుటెలా..నా ప్రేమను..!

నా తలపుల విందంటే..ఎంతిష్టమొ..మౌనానికి..

నీ పెదవుల రాగాలకు.. నింపుటెలా..నా ప్రేమను..!

గుండెలయల సరిగమలకు..ప్రాణమంటె..నీవేలే..

నీ అందెల రవళి లాగ..మార్చుటెలా.. నా ప్రేమను..!

పరిమళించు ఈ గాలికి.. కోపమసలు..లేదు కదా..

కవ్వించే నీ కురులకు.. చెప్పుటెలా..నా ప్రేమను..!

కల్పనలకు రూపమిడే..ఉలికదలిక..మధురములే..

ప్రాణశిల్ప నాట్యముగా..మలచుటెలా..నా ప్రేమను..!