నా కలతను

నీవుగాక ఏ జాబిలి..మాన్పలేదు నా కలతను..! 
నీకోసం గాకుండా..వ్రాయలేను ఏ పాటను..! 

నీ తలపుల తేనెమంచు..వానలోన ఉండిపోదు.. 
ఎక్కడనో ఏమిచేయ..నా మనసిక ఏం పెట్టను..! 

మండుతున్న చితికూడా..ఒకవెన్నెల పొదరిల్లే.. 
అనిమిషనై నీతోనే..బ్రతికిపోదు ఏం చెప్పను..! 

శిలగా మారక తప్పని..స్థితిలో ఉలితో స్నేహం.. 
ప్రాణశిల్ప సుందరినై..మౌనముగా నవ్వగలను..! 

వినోదించు మిషతోనే..విషయజగతి విలాసమా.. 
గంధవీణ రాగజలధి..స్వరసుధనే వీడగలను..!