నా జీవిత లక్ష్యం

సాగిపోవుటె బ్రతుకు -ఆగిపోవుటె చావు

గమ్యం ఉంది ముందర -సాధించుకో తొందర

లక్ష్యం లేని పుట్టుక- ఉండడం భూమిపై దండగ

ప్రాణం అనేది ఉండగా- మరణాన్ని జయించవచ్చుగా

బాధ్యత తెలిసిననాడే - బంధువు అవుతుంది బరువు

బరువు అనుకున్నావంటే -అవుతుంది బ్రతుకు కరువు

బరువు,కరువు లేనివాడికి- ఉండదు కదా బ్రతుకుతెరువు

కష్ట సుఖాలు ఎరిగిన మనిషికి కన్నీరే రాదుగా

నాన్న తర్వాత నాన్నగా- ఉండాలి కుటుంబానికి అండగా

అమ్మ తర్వాత అమ్మగా- నడపాలి ఇంటిని అందాల హరివిల్లుగా

అక్కలా పంచాలి ప్రేమానురాగం, చెల్లిలా చూపించాలి మమకారం

అప్పుడే ఇల్లు అవుతుంది ఆనందాల బృందావనం.