Library
Profile
"నా ఈ ప్రపంచం"
"నా ఈ ప్రపంచం"
ఈ సమాజానికి నేను లోకువ...!!
ఇప్పుడున్న కొత్త కల్చర్ కి అలవాటు పడి పరిగెత్తలేక,
ఆ పాత కాలపు ఆలోచనలతో ఇంకా నడుస్తున్నాని.
ఈ సమాజానికి నేను లోకువ...!!
దృశ్యమాధ్యమ నటనలకు అలవాటు పడిన ఈ ప్రపంచంలో,
నాకున్న వాక్చాతుర్యంతో ఓ కొద్ది మందిని నా రచనల వైపు తిప్పుకుంటున్నానని.
ఈ సమాజానికి నేను లోకువ...!!
నమ్మిన సన్నిహితులే మోసం చేస్తున్నారని తెలిసినా,
ద్రోహం తలపెట్టిన శత్రువులను సైతం దరికి చేరనిస్తున్నాని.
ఈ సమాజానికి నేను లోకువ...!!
అయినవాల్లందరూ దూరంపెడుతుంటే,
ఏమి కానివాళ్ళకోసం వెంపర్లాడుతున్నానని.
ఈ సమాజానికి నేను లోకువ...!!
ఎవరెవరో చేసిన తప్పులకు, పొరపాట్లకు,
శిక్షంతా నే అనుభవిస్తూ సర్దుకుపోతున్నానని.
ఈ సమాజానికి నేను లోకువ...!!
చుట్టున్న పరులుకు సంతోషం లాంటి వెలుగును పంచడం కోసం,
కొవ్వొత్తిలా నే అనుక్షణం కరుగుతూ దిగజారుతున్నానని.
ఈ సమాజానికి నేను లోకువ...!!
నేనీ సమాజానికి లోకువైనా, నాకీ సమాజమంటే మక్కువే!
బహుశా ఈ సమాజానికింకా ఏదో చెయ్యాలనే తాపత్రయం కాబోలు!
అందుకే ఇంత వ్యతిరేకతున్నా ఇంకా బ్రతికున్నది!!
సత్య పవన్ ✍️
#ADeepThinker
