మూగ ప్రేమ

ఇరు మనసులు పెళ్లి అనే బంధంతో ఏకమైనవి

అనురాగానికి తీపి గుర్తుగా ముచ్చటైన సంతానం

ప్రశాంతంగా సాగుతున్న అన్యోన్యం

ఊహించని కలతోకటి మార్చింది మా జీవితం

అంతా సర్దుకుపోతుంది అనే ఆశాకిరణం

కానీ మా మధ్య మిగిలింది భయంకరమైన మౌనం

చెంత ఉన్నా చేరువ కాలేని దూరం

నిశ్శబ్దంతోనే సాగింది సంసారం

ఒకరిపై ఒకరికి ఉన్న ప్రేమ అనంతం

మనసు మనసుతోనే మాట్లాడుకునేది

ఇరువురికి ఎదుటివారి భావాలు అవగతం

వర్షంలో తను తడుస్తూనే

నాకు గొడుగు పట్టిన తీరు అమోఘం

తెలుపకనే తెలుపుతోంది అనిర్వచనీయమైన ప్రేమ

ఇవ్వలేను ఏ పేరు ఈ బంధానికి

బహుశా మూగ ప్రేమ అంటే ఇదేనేమో!!