మరుమల్లెలు

మరుమల్లెల మత్తులో మనసు లయించే వేళ 

సోయగాల సొగసుల ఊహలు పలకరించే వేళ 

మరువపు సౌరు సుగంధ మైకము కమ్మే వేళ

ఒండొరు లేకమై తీయని ఊసులు కదిలే వేళ 

అలసిన తనువులు కలసిన సంతృప్తి పొందే వేళ

అరమూర్పు కళ్ళళో ఆనందం తాండవమాడే వేళ 

 నీరవ నిషీధి నిశ్శబ్ద గేయ మాలపిస్తోంది 

తలపుల తలుపులు తెరిచి తలపోస్తోంది 

తనువుల తపనల ప్రకంపనల తలపిస్తోంది 

ఊర్పులు లేని నిట్టూర్పులను వెలువ రిస్తోంది

ఎందరో చుట్టూ వున్నా అన్నీ వున్నట్లని పిస్తున్నా

ఆనంద మెరుగని ఒంటరితనము ఏమారుస్తున్నా

చీకటి తెరలేవో సంకెళ్ళై నిజేచ్ఛని హరిస్తున్నా

ఉరకలెత్తే మనసుని కర్కశముగా వారిస్తున్నా..!

... సిరి ✍️❤️