మరిచిన మనసు

ప౹౹

మనసునే మరిచానూ మరి వెతికిస్తావా

సొగసునే చూసానులే కోరి జతకొస్తావా ౹2౹

కనిపించే అందమేదో కవ్వించే విందుకు

కనిపించనీ బంధము కదలే కలిపేందుకు ౹2౹

ఏమో అనుకున్నానూ చూసి ఎద కథలు 

తనకేమో తప్పదే తకధిమి అదిమొదలు ౹ప౹

రూపాన్ని ప్రతిష్టించాకా మనసే మందిరం

కోపాన్ని మాని కరుణించవే నీకో వందనం ౹2౹

జారిన మదిలో జత కోసం కలవరింతలేగ

కోరిన హృదికొరకే పగలూ పలవరింతలేగ ౹ప౹

కళ్ళలోకి చూసాక కరిగినే మనసే మైనమై

వాకిళ్ళనే తెరచి వలపూ వరించినే ఏకమై ౹2౹

వెతికించి ఆ మనుసులో సేదను తీర్చవా

బ్రతికించి ప్రేమనూ రగిలే సెగను ఆర్పవా ౹ప౹