మొహమాటం
మొహమాటం
నీ కళ్ళు నా పెదాల్ని తడుముతుంటే
నీ మునివేళ్ళు నా నడుమును పట్టుకుంటే
నీ జుత్తులోకి నా వేళ్ళు వెడుతుంటే
నీ తెల్ల వెంట్రుకలు లెక్క పెడుతుంటే
నా యదపైన నీ శ్వాస తగులుతుంటే
నీ నాలుక సున్నాలు చుడుతుంటే
నీ నా తనువల మధ్య గాలి బంధిస్తే
నీ చెమట వాసన సుగంధంలా నే ఆఘ్రాణిస్తే
నీ బ్రహ్మచర్యానికి వీడ్కోలు ఇస్తుంటే
నన్ను నువ్వు వశపరచుకుంటుంటే
ప్రకృతీ పురుషుల సంగమంలా
నీ నా ఆత్మలు ఒకటిగా
సురత క్రీడలాడి అలసి
ఆపైన నే నీ విశాలమైన ఛాతీ పైన నిదురిస్తే
తెల్లవారి వెలుగులో
నా కుంకుమ రేఖలు అంటిన
నీ ఛాతీని చూసి
నాకేదో మొహమాటం
అని అతని తలపులలో
ఆమె వ్రాసెనొక శృంగార కావ్యం.