మనసు పలికేను నీ మౌనం

రాగ ద్వేషాలు సరిలేని సుఖాలు

సరిపోని బాసలు 

నీ పేరు పలికేటప్పుడు నాలో వేడి ఆవిరులు

ఎక్కడో దూరంగా నువ్వు

నిన్ను చూడకుండా నేను

ఎవరి ఎడారినో నందనవనం చేస్తూ

ఎవరి వాకిట్లోకో ఆనందాన్ని తెస్తూ

ఎవరి కౌగిట్లోనో సుఖాన్ని పంచుతూ

బరువులు అందుకుంటూ కష్టంలో ఆదుకుంటూ

నువ్వు బాగానే ఉన్నావ్

నీ పేరు ఇక్కడి దాకా వినిపిస్తోంది

అబ్బే

ఇష్టమని కాదు

కొంత మంది ద్వారా వినాల్సి వస్తోంది

అసలీ వార్తలు మోసేవాళ్లు మనుషులేనా

ఎంత విడ్డూరంగా చెబుతారు

నువ్వు నేనెవరో తెలీదు అన్నావట

కనీసం నా పేరు కూడా వినలేదు అన్నావట

అప్పట్నించీ ఈ మనసు మౌన వ్రతం పట్టింది