మనసారా
మనసారా
కష్టమెంత పెద్దదైన తట్టుకోని బతకనివ్వు
కాష్టానికి పోతున్నా వీడిపోని బంధమివ్వు
అర్థమవని బతుకు పుటలు ఆవేదన తలరాతలు
అలసి ఆగిపోతున్నా….తుదివాక్యం రాయనివ్వు
ఆశ అలసిపోతున్నది బతుకు ముగిసిపోతున్నది
సెలవంటూ వెళుతున్నా చివరిపాట పాడనివ్వు
నేనన్నది నాదన్నది ఏమున్నది అహము తప్ప
పెను యుద్ధం చేస్తున్నా వీలైతే గెలవనివ్వు
ఊసుపోక నువు చేసిన బొమ్మే కద ఈ సత్యా!!
ఉసురు తీసివేస్తున్నా మనసారా నవ్వనివ్వు