మలుపుతో గెలుపు
మలుపుతో గెలుపు
ఎవరు ఏ సమయంలో ఏం చేసినా
వందమందీ వందమార్కులు వేసేలా ఉంటేనే
ఆ పని ఆమోదయోగ్యమైనదని !
నీకోసం నీవు చేస్తున్నావనుకోవచ్చు .
ఎలా చేసినా సమ్మతిస్తారంటే పొరపాటు కావచ్చు .
అందుకే అసలు ఏది నిజమో తెలుసుకో .
ఎలాంటి దుస్తులు ధరించాలో మొదలుకుని
నలుగురితో ఎంతవరకు మాట్లాడాలో నేర్చేవరకు
అన్నింటికీ నియమాలే సరిగ్గా పరిశీలిస్తే .
వ్రాసే పరీక్షలు దానికి మంచి ఉదాహరణే .
వెలుగుకు చీకటిని మాయంచేసే రవికిరణాలు
పసిడిపంటలకు నేలను తడిపే వానచినుకులు
అందమైన లోకాన్ని చూడాలంటే చల్లని చూపులు
బంధువులయ్యేందుకు అభిమానపు వెల్లువలు
ప్రేమికులనే పేరును కోరితే నవ్వులనే రోజాపువ్వులు
ఎలా అనేదే ఆలోచన అనే మెరుపులాంటి మలుపు !
ఆచరణతో ఎప్పుడూ నీవు ఆశించిన గెలుపు !!
* # * # * # *