మధురం...

మాటరాని మౌనం 

మనసుకు తెలియని వైనం

మదిని మీటిన గానం

మౌనం పెదవి దాటితే

నా మనసు భాషకు అందని

మధుర భావాలెన్నో....

ఆ మౌనం ....మదిని దాటితే

మరపురాని .... మధుర జ్ఞాపకాలెన్నో

ఆ జ్ఞాపకాలు తెరచి చూస్తే

సుమరాగాల విరివనాల పరిమళాలెన్నో

కలువ కనులలో దాగిన చిలిపి కలలెన్నో

పెదవి గడపదాటని అందమైన కావ్యాలెన్నో

ఎదురు చూపెంత మధురమో కదా

ఆ క్షణమో మరుక్షణమో నువ్వొస్తావని..

ప్రతిక్షణాన్నీ ఆస్వాదిస్తూ ఆనందిస్తున్నా

ఈ ఎదురుచూపుల ఉరవడితో..

బరువెక్కిన

కనురెప్పలమాటున నువ్వు కదలాడుతుంటే..

కనులు మూసి నిన్ను చూడాలో కనులు తెరిచి

ఎదురుచూడాలో తెలియక సతమతమవుతున్నానే..

.... సిరి ✍️