మాతృశ్రీ

ఐదేళ్ళ వయసు 

జన్మనిచ్చిన అమ్మ ఒడిలో 

కమ్మగా నిదరోయే సంగతి

పదైదేళ్ళ ఈడు 

తోడబుట్టిన సోదరి స్నేహంలో 

స్వేచ్ఛగా ఆడిపాడే సందడి

పాతికేళ్ళ ప్రాయం 

సహధర్మచారిణి తనువులో 

సగమయ్యే సంస్కృతి

నీరు ఏ పాత్రలో పోస్తే 

ఆ పాత్ర రూపం పొందినట్టు 

ఇంతి కూడా ఇంతే 

ఇంటా బయటా అన్నింటా 

ఇట్టే ఒదిగిపోతుంది 

మాలిన్యమంటని లాలిత్యంతో 

అట్టే మెరిసిపోతుంది

సత్వరజస్తమో గుణాలతో 

నిత్య సత్యంగా ప్రకాశించే ప్రతి స్త్రీ 

ఓ మాతృశ్రీ

రచన : వెంకు సనాతని